Roma xəstəxanasında müalicəsini davam etdirən Roma Papası Fransisk bazar günü katolik inancının davamçılarını yazılı müraciətlə salamlayıb və sınaq dövründən keçdiyini qeyd edib.
Modern.az xəbər verir ki, bu barədə EFE agentliyi məlumat yayıb.
“İmtahana çəkilirəm. Mən xəstə qardaş və bacılarımla, bu anda mənim kimi zəif olanlarla birləşirəm. Fiziki bədənimiz zəifdir, lakin buna baxmayaraq, heç kim bizə sevməyi, xəyal qurmağı, inam və ümidlə özümüzü başqalarına həsr etməyi qadağan edə bilməz”, – müraciətdə deyilir.
O, xəstəxana personalının işini qeyd edib və onu müalicə edən və qayğısına qalan həkimlərə dualarını çatdırıb.
Xatırladaq ki, yanvarda 88 yaşlı Fransisk bronxitə yoluxub, fevralın 14-də xəstəlik xroniki forma aldığı üçün onu Romadakı “Agostino Gemelli” klinikasına yerləşdiriblər. Rentgen və laboratoriya müayinələrindən sonra pontifikdə həmçinin ikitərəfli pnevmoniya aşkarlanıb.
