Şimali Koreya (KXDR) lideri Kim Çen Inın Moskvaya mümkün səfəri müzakirə edilir.
Modern.az xəbər verir ki. bu barədə jurnalistlərə Rusiyanın xarici işlər nazirinin müavini Andrey Rudenko məlumat verib.
O eyd edib ki, Rusiyanın xarici işlər naziri Sergey Lavrovun KXDR-ə cavab səfəri də planlaşdırılır.
"Dialoq ötən ilin noyabrında xarici işlər naziri Çoi Son Xinin Moskvaya səfəri zamanı başlayıb və biz bu ənənəni davam etdirməliyik. Bu il növbə Lavrovundur. Ona görə də planlar böyükdür, biz koreyalı dostlarımızla strateji dialoqu davam etdirmək üçün onları həyata keçirəcəyik", - deyə Rudenko bildirib.
Qeyd edək ki, bu gün Rusiya Təhlükəsizlik Şurasının katibi Sergey Şoyqu KXDR rəhbərliyinə Ər-Riyadda Rusiya-Amerika danışıqlarının məzmunu barədə ətraflı məlumat verib.
