Rusiya Prezidenti Vladimir Putin Şimali Koreya lideri Kim Çen İni təltif edib.
Modern.az xəbər verir ki, bu barədə Rusiyanın Pxenyandakı səfirliyi məlumat yayıb.
KXDR lideri Böyük Vətən Müharibəsində Qələbənin 80 illiyinə həsr olunmuş medala layiq görülüb.
Bildirilib ki, martın 27-də Mansudae Konqres Mərkəzində Rusiya Federasiyası Prezidentinin 22 sentyabr tarixli fərmanı ilə təltif edilmiş Koreya Xalq Demokratik Respublikasının Dövlət İşləri üzrə Sədri Kim Çen Ina “1941-1945-ci illər Böyük Vətən Müharibəsində Qələbənin 80 illiyi” medalının təqdim edilməsi mərasimi keçirilib.
Rusiya səfiri Aleksandr Matseqora medalı KXDR Ali Xalq Məclisi Rəyasət Heyətinin sədr müavini Kanq Yun Soka təqdim edib. O, Kim Çen İn adından minnətdarlığını bildirib və bu mükafatın iki ölkə arasında tərəfdaşlığın yüksək səviyyəsini təsdiq etdiyini bildirib.
