Hollivudun məşhur film şirkətlərindən biri olan "Village Roadshow Entertainment Group" iflas üçün müraciət edib.
Modern.az xəbər verir ki, bu barədə "Wall Street Journal" məlumat yayıb.
Şirkət "Warner Bros" ilə rəqabət və müstəqil kino sektorunun inkişafı nəticəsində maliyyə çətinlikləri ilə üzləşib.
"Village Roadshow Entertainment Group" 1997-ci ildən bəri "Matrix", "Ocean’s Eleven" və "Joker" kimi 100-dən çox məşhur filmləri ekranlara gətirib. Bu filmlərin ümumi gəliri on milyardlarla dollar təşkil etsə də, şirkətin hazırda 390 milyon dollar borcu var.
Şirkət iflas prosesinin bir hissəsi kimi film kataloqunu 65 milyon dollara "Content Partners"a satacağını açıqlayıb.
