Qətər və Misirdən olan vasitəçilər atəşkəsi bərpa etmək və məhbus mübadiləsinə qayıtmaq üçün İsrail və Fələstinin HƏMAS hərəkatı ilə danışıqlar aparır.
Modern.az xəbər verir ki, bu barədə Səudiyyə Ərəbistanının "Əl-Şarq" kanalı məlumat yayıb.
Məlumata görə, nümayəndə heyətləri 50 günlük atəşkəs təklifi irəli sürüblər.
Təklifə atəşkəs müqəddəs bayramlar - müsəlmanların Fitr bayramı və yəhudilərin Pasxa bayramları başlamazdan əvvəl qüvvəyə minməlidir.
Tərəflər, həmçinin ömürlük həbsə məhkum edilmiş 50 fələstinli məhbusun müqabilində beş girovun azad edilməsini təklif edirlər.
Qeyd edək ki, martın 18-də Qəzza zolağında döyüşləri bərpa edilib. Qəzza Səhiyyə Nazirliyinin mətbuat xidmətinin məlumatına görə, o vaxtdan bəri anklavda 921 nəfər ölüb, 2000-dən çox fələstinli isə yaralanıb.
