ABŞ Prezidenti Donald Tramp İranı yenidən hədələyib.
Modern.az xəbər verir ki, o, nüvə proqramı ilə bağlı Vaşinqtonla razılığa gəlmədiyi təqdirdə İranın bombalanacağını bildirib.
"Əgər onlar razılığa gəlməsələr, bombalama olacaq," – deyə Tramp telefon müsahibəsində bildirib və əlavə edib: "Bu, onların indiyə qədər gördüyü ən güclü bombalama olacaq."
Tramp, həmçinin İrana qarşı ikinci dərəcəli tariflər tətbiq edəcəyini bildirib: "Yəqin ki, bir neçə həftə gözləyəcəyik və əgər irəliləyiş görməsək, onları tətbiq edəcəyik. Biz hələ ki, tətbiq etmirik. Amma yadınıza salın, bunu altı il əvvəl etmişdim və çox yaxşı işləmişdi."
İran Trampın yeni nüvə sazişi bağlamaq çağırışına cavab olaraq Oman vasitəsilə mesaj göndərib. Tehran ABŞ-ın maksimum təzyiq siyasəti və hərbi hədələri altında birbaşa danışıqlara getməyəcəyini bildirib.
