Almaniya Ukraynaya əlavə 130 milyon avro humanitar yardım göstərəcək.
Modern.az xəbər verir ki, bunu xarici işlər naziri Annalena Berbok elan olunmamış səfər etdiyi Kiyevdə bildirib.
“ABŞ və Rusiya arasındakı “dalanı” nəzərə alaraq, avropalılar heç bir “əgər” və ya “amma” olmadan Ukraynanı dəstəklədiklərini göstərməlidirlər”, - Berbok qeyd edib.
Onun sözlərinə görə, bu məsələ NATO xarici işlər nazirlərinin qarşıdan gələn görüşündə müzakirə olunacaq.
“Biz Amerika tərəfinə başa salacağıq ki, Putinin gecikdirmə taktikasına qarışmamalıyıq”, - deyə Berbok bildirib.
Bu, artıq Berbokun Almaniya Xarici İşlər Nazirliyinin rəhbəri kimi Ukraynaya doqquzuncu səfəridir.
