Məşhur amerikalı rejissor Stiven Spilberq 5,3 milyard dollar sərvəti ilə "Forbes" jurnalının ən zəngin məşhuru olub.

Modern.az xəbər verir ki, o, ilk dəfə 1994-cü ildə ən zəngin amerikalılardan biri kimi tanındığı zaman "Forbes" siyahısına düşüb.

Spilberq bir çox məşhur filmlərin rejissorudur. Filmlərdən əldə olunan gəlirdən əlavə, rejissor "Universal" əyləncə parklarında bilet satışlarının 2%-ni də alır.

Reytinqdə cəmi 18 məşhur yer alıb. Onların ümumi sərvəti 39 milyard dollar qiymətləndirilir. Aktyor və Kaliforniyanın keçmiş qubernatoru Arnold Şvartsenegger də daxil olmaqla dörd məşhur siyahıya ilk dəfə daxil olub.

Ən zəngin 10 məşhurun siyahısına aşağıdakılar daxildir:

Rejissor Stiven Spilberq (5,3 milyard dollar);

"Ulduz Döyüşləri" franşizasının yaradıcı direktoru Corc Lukas (5,1 milyard dollar);

Basketbolçu Maykl Cordan (3,5 milyard dollar);

Teleaparıcı Opra Uinfri (3 milyard dollar);

Media maqnatı və güləş promouteri Vinsent Makmahon (3 milyard dollar);

Reper Cey-Zi (2,5 milyard dollar);

Realiti-tv ulduzu və sahibkar Kim Kardaşyan (1,7 milyard dollar);

"Üzüklərin əfəndisi" və "Hobbit" filmlərinin rejissoru Piter Cekson (1,7 milyard dollar);

Müğənni Taylor Swift (1,6 milyard dollar);

Basketbolçu Magic Conson (1,5 milyard dollar).