Fransanın Avropa və xarici işlər naziri Jan-Noel Barrot Parisdə səfərdə olan Türkiyə XİN başçısı Hakan Fidanla görüşüb.
Modern.az Fransa XİN-ə istinadən xəbər verir ki, aprelin 2-də baş tutan görüşdə nazirlər aktual beynəlxalq məsələləri müzakirə ediblər.
Nazirlər atəşkəs rejiminin monitorinqi üzərində işləmək və Ukrayna üçün möhkəm təhlükəsizlik təminatlarına əsaslanan ədalətli, hərtərəfli və davamlı sülh istiqamətində işi davam etdirməyin zəruriliyini təsdiqləyiblər. Görüşdə Suriyadakı və Qəzzadakı vəziyyət də müzakirə olunub.
İki ölkənin baş diplomatları vurğulayıblar ki, Ermənistan və Azərbaycan arasında münasibətlərin normallaşması hər iki dövlətin ərazi bütövlüyü və suverenliyinə hörmətlə yanaşı, Cənubi Qafqazın sülh, inteqrasiya və əməkdaşlıq məkanına çevrilməsinə imkan verməlidir.
