Türkiyənin Cümhuriyyət Xalq Partiyasının (CHP) 21-ci qurultayında sədrlə yanaşı partiyanın rəhbər strukturları da seçilib.
Modern.az-ın məlumatına görə, növbədənkənar qurultayda 60 nəfərlik Partiya Məclisi (PM) və 15 nəfərlik Yüksək Nəzarət Komitəsinin üzvləri müəyyən edilib.
Partiya Məclisinə keçirilən seçkilərdə ən çox səsi Zonguldak millət vəkili Dəniz Yavuzyılmaz qazanıb. Onun ardınca 856 səslə İstanbul millət vəkili Suat Özçağdaş və 815 səslə Şanlıurfa millət vəkili Mahmud Tanal qərarlaşıb.
Yüksək Nəzarət Komitəsinə keçirilən seçkilərdə isə ilk sırada Özgür Sağlam yer alıb.
CHP sədri Özgür Özəlin seçkilər öncəsi açıqladığı 52 nəfərlik əsas siyahının tamamı qurultay nümayəndələri tərəfindən təsdiqlənib. Digər siyahılardan heç bir namizəd məclisə düşə bilməyib.
Rəsmi nəticələrə isə etiraz müddətindən sonra rayon seçki komissiyası tərəfindən yekun vurularaq ictimaiyyətə təqdim olunacaq.
