ABŞ Prezidenti Donald Tramp Qəzza zolağına Amerika sülhməramlı qüvvələrinin yerləşdirilməsini təklif edib.
Modern.az xəbər verir ki, nu barədə o, İsrailin baş naziri Benyamin Netanyahuyla görüşü zamanı bəyan edib.
Tramp Qəzzanı “inanılmaz dərəcədə vacib bir daşınmaz əmlak sahəsi” adlandırıb.
“Əgər fələstinliləri götürüb müxtəlif ölkələrə yerləşdirsəniz — və belə addımı atmağa hazır olan kifayət qədər ölkə var — orada gerçəkdən bir azadlıq zonası yaranar... İnsanların hər gün öldürülmədiyi bir ərazi,” — deyə Tramp CNN-ə verdiyi açıqlamada bildirib.
O, Qəzza zolağını “heç kimin yaşamaq istəmədiyi gözəl bir yer” adlandırıb.
“İsrail ümumiyyətlə niyə Qəzzadan imtina etdi?” Onun sözlərinə görə, İsrail sahilyanı əraziləri götürərək onları “sülh naminə insanlara verdi. Bu necə alındı?” — deyə Tramp əlavə edib.
O təklif edib ki, Qəzza ABŞ-a məxsus bir “Rivyeraya” çevrilsin.
Aprelin əvvəlində İsrail Müdafiə Ordusu qarşıdakı ay ərzində Qəzza zolağının 25 faizinə nəzarəti ələ keçirməyi planlaşdırdığını açıqlayıb. İsrail hökumətinin fikrincə, bu addım HƏMAS qruplaşmasına maksimum təzyiq göstərmək və 2023-cü il oktyabrın 7-də baş vermiş hücum zamanı girov götürülmüş insanları azad etməyə məcbur etmək üçün vacibdir.
