Sabah - aprelin 10-da İstanbulda Rusiya və ABŞ arasında məşvərətçi danışıqların növbəti raundu keçiriləcək.
Modern.az xəbər verir ki, bu barədə Rusiyanın TASS xəbər agentliyi məlumat yayıb.
Bundan əvvəl Rusiya Xarici İşlər Nazirliyi məlumat vermişdi ki, Moskva-Vaşinqton məsləhətçi danışıqlarının ikinci raundunda Rusiya nümayəndə heyətinə Vaşinqtona yeni təyin olunmuş səfir, erməni əsilli olduğu bildirilən Aleksandr Darçiyev, Amerika nümayəndə heyətinə isə dövlət katibinin Avropa məsələləri üzrə köməkçisi Sonata Kulter rəhbərlik edəcək.
Bundan əvvəlki məşvərət danışıqları fevralın 27-də İstanbulda baş tutub.
