Donald Tramp ABŞ-ın 47-ci prezidenti vəzifəsinə gəldikdən sonra ilk dəfə hərtərəfli tibbi müayinədən keçib.

Modern.az xarici KİV-ə istinadən xəbər verir ki, onun həkimi Şon Barbabella açıqlamasında "Prezident Trampın koqnitiv və fiziki sağlamlığı əladır. O, baş komandan və dövlət başçısı kimi xidmət etməyə tam hazırdır" deyib.

78 yaşlı Trampın ürək, ağciyər, nevroloji və ümumi fiziki funksiyalarının sağlam olduğu qeyd edilib.

Şon Barbabella vurğulayıb ki, Trampın aktiv həyat tərzi onun sağlamlığına çox müsbət təsir göstərir.

ABŞ-ın 47-ci prezidentinin həkimi qeyd edib ki, “Trampın günləri çoxsaylı görüşlər, ictimai çıxışlar, mətbuata açıq olmaq və tez-tez qolf turnirlərində qalib gəlməklə doludur”.

Tibbi müayinə zamanı Donald Tramp koqnitiv testdə bütün sualları cavablandıraraq, onda depressiya və ya narahatlıq hallarının olmadığını təsdiqləyib. Bundan əlavə, həkimlər Amerika liderinin yerişində hər hansı anormallıq aşkar etməyiblər. Onun balansı normaldır.

Terapevt izah edib ki, Trampın vəziyyəti Monreal Koqnitiv Şkala ilə qiymətləndirilib, onun idrak funksiyası 30-dan 30-dur. Hərtərəfli nevroloji müayinə prezidentin zehni vəziyyətində heç bir anormallıq aşkarlamayıb.

Amerika liderinin çəkisi təxminən 102 kiloqramdır və spirt və nikotindən asılı deyil. Amerikalı həkimlər aşkar ediblər ki, ABŞ-ın 47-ci prezidentinin qulağında çapıq var - keçən il sui-qəsd cəhdindən güllə dəliyi.

Həkimi prezidentin qan təzyiqinin yuxarı həddinin 128, aşağı həddinin 74-ün üstündə olduğunu söyləyib.

Trampın dərisində böyümələr var, lakin onlar xoş xassəlidir, eyni zamanda Günəş zədələməsinin izləri də nəzərə çarpır.

Trampın özü də testdən keçdikdən sonra jurnalistərə çox yaxşı formada olduğunu bildirib.

Tramp prezident kimi bundan əvvəl hərtərəfli müayinədən 2020-ci ilin iyununda keçmişdi.
 

A.Qorxmaz