ABŞ Dövlət Departamentinin daxili sənədinə görə, prezident Donald Trampın administrasiyası xaricdəki diplomatik mövcudluğun əhəmiyyətli dəyişiklikləri fonunda 30-a yaxın səfirlik və konsulluğun bağlanmasını nəzərdən keçirir.

Modern.az xəbər verir ki, bu barədə CNN-in Dövlət Departamentindən əldə etdiyi məlumatda bildirilib.

Sənəddə həmçinin ABŞ-ın terrorla mübarizə səylərində əsas rol oynayan iki ölkədə - Somali və İraqdakı ABŞ diplomatik nümayəndəliklərinin sayının azaldılması və digər diplomatik missiyaların “ölçünün dəyişdirilməsi” tövsiyə edilir.

Təklif olunan dəyişikliklər İlon Maskın rəhbərlik etdiyi Hökumətin Effektivliyi Departamenti (DOGE) tərəfindən dəstəklənib. Dövlət katibi Marko Rubionun təklif olunan bağlanmaları imzalayıb-imzalayıb-imzalamadığı bəlli deyil.

Sənəddə 10 səfirlik və 17 konsulluğun bağlanması tövsiyə olunur. Onların bir çoxu Avropa və Afrikada yerləşir, lakin Asiya və Karib dənizində də olanlar var. Bunlara Malta, Lüksemburq, Lesoto, Konqo Respublikası, Mərkəzi Afrika Respublikası və Cənubi Sudandakı səfirliklər daxildir. Siyahıya həmçinin Fransada beş, Almaniyada iki, Bosniya və Herseqovinada iki, Böyük Britaniyada, Cənubi Afrikada və Cənubi Koreyada bir konsulluq daxil edilib.

Sənəddə bağlanan səfirliklərin vəzifələrinin qonşu ölkələrdəki forpostlar tərəfindən həyata keçirilməsi təklif edilir.