Pop musiqisinin əfsanəsi Maykl Ceksonun keçmiş həyat yoldaşı Debbi Rou uzun illərdən sonra Kaliforniyada görüntülənib.
Modern.az xəbər verir ki, 66 yaşlı Rou xərçənglə mübarizədən sonra ilk dəfə ictimaiyyət qarşısına çıxıb.
O, 1996-cı ildə Avstraliyada Cekson ilə gizli şəkildə ailə həyatı qurub. Cütlüyün Paris və Prins adlı iki övladı var.
1999-cu ildə boşandıqdan sonra Rou uşaqların tam qəyyumluğunu Maykl Ceksona vermişdi. Paris daha sonra anası ilə əlaqə qurduğunu və onu daha çox "dost" kimi qəbul etdiyini deyib.
Debbi Rou son illərdə mediadan uzaq, sakit həyat tərzi sürürdü. Onun yenidən görünməsi ictimaiyyətdə maraqla qarşılanıb.
