İstanbul Böyükşəhər Bələdiyyəsinə (İBB) qarşı aparılan korrupsiya istintaqı çərçivəsində ikinci dalğa əməliyyat keçirilib.

Modern.az TRT kanalına istinadən xəbər verir ki. İstanbul, Ankara və Tekirdağda keçirilən əməliyyat nəticəsində nəticəsində aralarında Şafak Başa və Murat Ongunun həyat yoldaşı Gözdem Ongunun da olduğu 47 nəfər saxlanılıb.

Əməliyyat İstanbul Respublika Baş Prokurorluğunun Ekrem İmamoğluna qarşı başladığı istintaq çərçivəsində aparılıb. İmamoğlu və digər şübhəlilər barəsində “cinayətkar təşkilat qurmaq və idarə etmək”, “rüşvət”, “dələduzluq” və “müsabiqəyə müdaxilə” kimi maddələrlə araşdırma davam edir.

Saxlanılanlar arasında İBB-nin yüksək vəzifəli şəxsləri və İmamoğlunun yaxın çevrəsindən olan şəxslər də var. Məlum olub ki, şübhəlilərin toplantı keçirdiyi hoteldə təhlükəsizlik kameraları qəsdən bağlanıb.

İBB-yə qarşı ilk əməliyyat mart ayında keçirilmiş və 94 nəfər saxlanılmışdı, onlardan 54-ü həbs olunmuşdu. Saxlanılan 47 nəfər ifadə üçün İstanbul Mali Cinayətlər İdarəsinə aparılıb. 6 nəfərin isə axtarışları davam edir.