Ağ Ev ABŞ lideri Donald Trampın prezidentliyinin 100 günü ilə bağlı ölkə daxilində əldə olunmuş nailiyyətləri açıqlayıb.
Modern.az-ın xəbərinə görə, məlumatda bildirilib ki, Tramp 100 gün ərzində ölkədə 345 min yeni iş yer yaradıb, bunların 188 mini qeyri-hökumət sektoruna aiddir.
Qeyd olunub ki, bu müddətdə benzin və enerji qiymətlərində azalma iqtisadiyyatın digər sektorlarına da əhəmiyyətli dərəcədə təsir göstərib.
Məlumata əsasən, Tramp administrasiyası işə başlayandan bəri ABŞ-a həm xarici ölkələr, həm də özəl şirkətlər tərəfindən ən azı 5 trilyon dollarlıq yeni investisiya qoyuluşu vəd edilib.
Bundan əlavə, diqqətə çatırılıb ki, vəzifəyə gəldikdən sonra Tramp Bayden dövründə qoyulmuş bütün yekunlaşmamış qaydaları dərhal dayandırıb və ölkə 180 milyard dollardan çox qənaət edib.
Tramp həmçinin yaşayış səviyyəsini artıran əvvəlki federal qaydaları geri qaytarmaq üçün addımlar atıb.
