Türkiyə Prezidenti Rəcəb Tayyib Ərdoğan İstanbulda hücuma məruz qalan CHP lideri Özgür Özələ telefonla zəng edərək ona “keçmiş olsun” diləklərini çatdırıb.
Modern.az xəbər verir ki, Prezident hadisənin bütün detallarının araşdırılması üçün prosesi yaxından izlədiyini bildirib.
Kommunikasiya İdarəsinin rəhbəri Fahrettin Altun da hücumu pisləyərək bildirib ki, hücum edən şəxs – 66 yaşlı S.T. artıq saxlanılıb və barəsində araşdırma aparılır. İlkin məlumatlara görə, həmin şəxsin keçmişdə ağır cinayətlərə görə məhkumluğu olub, lakin hər hansı siyasi təşkilatla əlaqəsi müəyyən olunmayıb.
Xatırladaq ki, hadisə TBMM sədr müavini Sırrı Süreyya Öndərin anım mərasimindən sonra Atatürk Mədəniyyət Mərkəzində baş verib. Özgür Özel hadisədən sonra təhlükəsizlik qüvvələrinin müşayiəti ilə ərazidən uzaqlaşdırılıb.
