ABŞ dövlət katibinin müavini Kristofer Landau Vaşinqtonun Hindistan və Pakistan, eləcə də digər ölkələr, o cümlədən Ermənistan və Azərbaycan arasında sülhün bərqərar olmasına yönəlmiş bəyanatlarından bəhs edib.
Modern.az xəbər verir ki, Landau özünün X mikrobloqunda yazıb ki, dövlət katibi Rubio son günlərdə Hindistan və Pakistan liderləri ilə telefonda yorulmadan əlaqə saxlayaraq, bu iki dövlət arasındakı münaqişənin sakitləşməsinə çalışıb.
"ABŞ prezidenti Donald Tramp və vitse-prezident Ceyms Vens administrasiyada hamımıza açıq şəkildə bildirdilər ki, məqsədimiz istər Hindistan və Pakistan, istər Rusiya və Ukrayna, istərsə də İsrail və onun qonşuları, Konqo Demokratik Respublikası və Ruanda, Azərbaycan və Ermənistan və ya digər ölkələr arasında sülhü təşviq etməkdir. Diplomatlar və səmimi desək, insanlar kimi biz bu gün müharibələrin qarşısını almağa və ya dayandırmağa səy göstəririk”, - ABŞ dövlət katibinin müavini Kristofer Landau bildirib.
