Nikol Paşinyan və komandası Ermənistanı yenidən Kremlin təsiri altına qaytarmaq qərarına gəlib.

Modern.az-ın məlumatına görə, bunu Azərbaycanın sabiq xarici işlər naziri Tofiq Zülfüqarov deyib.

Onun sözlərinə görə, Paşinyan hökuməti artıq Qərbdən dəstək olmayacağını anlayıb.

“9 May paradı göstərdi ki, Paşinyan və onun komandası, o cümlədən Trampın seçilməsindən sonra və Qərbin dəstəyinin olmadığını anlayaraq, Ermənistanı yenidən Kremlin himayəsinə qaytarmağa qərar veriblər”, – deyə Tofiq Zülfüqarov bildirib.

Zülfüqarov qeyd edir ki, erməni ictimaiyyətində "Avropa inkişaf vektorunun" itirilməsi ilə bağlı məyusluq müşahidə olunur.

O hesab edir ki, Paşinyan Moskvada keçmiş prezidentlər – Koçaryan və Sarkisyan və onların tərəfdarlarından daha sadiq tərəfdaş olduğunu Kremlə sübut etməyə çalışır.

Sabiq nazir bildirib ki, Rusiya Ermənistandakı bütün seçki platformalarında eyni anda oynamaqla öz uzunmüddətli maraqlarını təmin etməyə çalışacaq. O, eyni zamanda xəbərdarlıq edib ki, Rusiya ilə Azərbaycan arasında yaranmış problemlər fonunda anti-Azərbaycan ritorikası daha da güclənə bilər.