ABŞ-ın keçmiş prezidenti Barak Obama boşanma şayiələrini təkzib edəndən sonra həyat yoldaşı Mişel Obamaya Analar Günü mesajı təqdim edib.
Modern.az xəbər verir ki, "Bütün gözəl anaların Analar Günü mübarək!", -deyə keçmiş prezident Mişel Obamanın qızları Maliya və Saşa ilə fotosunu X-də paylaşaraq yazıb:
"Mişel, qızlar və mən sənin həyatımızda olmağından çox şanslıyıq. Biz səni sevirik".
Mişel Obama yanvar ayında eks-prezident Cimmi Karterin dəfn mərasimi də daxil olmaqla bir sıra tədbirlərdə iştirak etmədikdən sonra boşanma şayiələri ortaya çıxdı. Elə həmin ay keçmiş birinci xanım prezident Trampın ikinci andiçmə mərasimini də qaçırdı.
61 yaşlı Mişel Obama sonradan verdiyi açıqlamada Trampın andiçmə mərasimində qatılmamağının evliliklə bağlı olmadığını söyləmişdi.
O, deyib ki, Barak Obama ilə uzun müddət davam edən münasibətdən əl çəkməyəcəklər.
