Türkiyənin xarici işlər naziri Hakan Fidan rusiyalı həmkarı Sergey Lavrovla telefon danışığı aparıb.
Modern.az xəbər verir ki, nazirlər Ukraynadakı münaqişənin həlli perspektivlərini müzakirə ediblər.
Türkiyə Xarici İşlər Nazirliyindəki mənbə TASS-a bildirib ki, söhbət zamanı Rusiya və Ukrayna arasında sülhün bərqərar edilməsi səyləri ilə bağlı məsələlər müzakirə olunub.
Mayın 12-də Hakan Fidan ABŞ dövlət katibi Marko Rubio və Fransanın xarici işlər naziri Jan-Noel Barro ilə söhbətində də Ukrayna nizamlanması məsələsini qaldırıb.
