Prezidentlər Vladimir Putin və Vladimir Zelenski Ukraynadakı münaqişəni həll etmək üçün şəxsən görüşməlidirlər.
Modern.az xəbər verir ki, bunu ABŞ prezidenti Donald Trampın xüsusi nümayəndəsi Stiv Vitkoff xarici KİV-ə deyib. O bunun tezliklə baş verəcəyinə ümid edir. Vitkoff özü də bu danışıqlarda vasitəçi olmağa hazırdır.
"Düşünürəm ki, bu, tamamilə mümkündür",- deyə Vittkoff Zelenski və Putinin sülh razılaşmasını müzakirə etmək üçün görüşmələrinin mümkünlüyü haqqında danışarkən bildirib.
Qeyd edək ki, Kiyev və Moskva arasında danışıqlarn mayın 15-də İstanbulda baş tutmalıdır.
Vitkoff deyib ki, Tramp hər iki tərəfə ultimatum təqdim edib: onlar davamlı sülhün əldə edilməsi istiqamətində irəliləyiş əldə etməsələr, ABŞ vasitəçi rolundan imtina edə bilər.
“Düşünürəm ki, bu, hamı üçün pis nəticə ola bilər. ABŞ-ın vasitəçi rolundan imtina etməsi avropalılar, ukraynalılar üçün pisdir və mən bunun ruslar üçün də yaxşı olduğunu düşünmürəm. Məncə, ruslar həqiqətən də sülh yolu ilə nizamlanmanı istəyirlər və hər iki tərəf bunun onlar üçün nə demək olduğunu anlamağa çalışır. Bizim işimiz onları bir otaqda toplamaq və sülhə alternativlərin hamı üçün pis nəticə olduğunu göstərməkdir".
Vitkoff israrla bildirib ki, Rusiya və Ukrayna liderləri arasında şəxsi görüş olmadan razılığa gəlmək mümkün deyil:
"Onlar bir-birini bəyənmirlər. Biz bunu dəyişməliyik. Biz hamını düşünməyə vadar etməliyik ki, bu problemi həll etməyin məsuliyyətli yolu diplomatiyadan keçir. Əgər Rusiya və Ukrayna sülh istəyirsə, biz onları bir otaqda toplamalıyıq. Biz iki tərəf arasında mümkün qədər tez bir zamanda danışıqlar aparmalıyıq".
Vitkoffun sözlərinə görə, tərəflərin hər birində hansı güzəştə getməyə hazır olduqlarını anlamağa çalışaraq, sülh yolu ilə nizamlanma üçün həll edilməli olan üç əsas problem dəsti var.
S.Vitkoff deyib ki, tərəflərin hər birində ülh yolu ilə nizamlanma üçün həll edilməli olan üç əsas problem dəsti var. Bu:
- tərəflərin mübahisə etdiyi beş Ukrayna bölgəsi (onlardan ikisinə Vitkoffun təsvir etdiyi kimi, Rusiya demək olar ki, tamamilə nəzarət edir, üçü qismən Ukraynanın nəzarəti altındadır);
- İstehsal edə biləcəyi enerji miqdarını nəzərə alaraq "mirvari" adlandırılan Zaporojye Atom Elektrik Stansiyası;
- Ukraynanın dəniz yollarına çıxışı.
