ABŞ hökumətinin hər il həyata keçirdiyi Müxtəliflik Vizası Lotereyası digər adı ilə “Green Card” dünya ölkələrinin minlərlə vətəndaşına Amerika Birləşmiş Ştatlarında daimi yaşamaq və işləmək imkanı qazandırır.
Modern.az-ın araşdırmasına görə Azərbaycan vətəndaşlarının son 7 ildə ən çox “Green Card”ı ötən il alıb.
Belə ki, 2024-cü ildə 2046 nəfər “Green Card” alıbsa, müraciətlərə ən az müsbət cavab verilən il 2020-ci ildə olub. Həmin il sadəcə 899 azərbaycanlı “Green Card” müraciətinə müsbət cavab verilib. 2025-ci ildə isə “Green Card” alan həmvətənlilərimizin sayı 1730 olub.
2025-ci il üzrə ən çox və ən az “Green Card” alan ölkələrin siyahısı isə aşağıdakı kimidir: Siyahıda birinci yerdə 5 min 564 nəfərlə Özbəkistandır. Eyni zamanda Əlcəzair (5 526), Misir (5 515), Rusiya (5 519), İran (5 265) olub.
“Green Card” ala bilməyən ölkələr də çoxdur. Belə ki, San Marino, Western Sahara, Vatikan, Brunei il ərzində heç kim ABŞ-ə bu proqramla gedə bilməyib. Şimali koreyadan isə sadəcə 1 nəfər “Green Card” ala bilib. Onu da qeyd edək ki, ötən il bu rəqəm 11 idi.
Azərbaycanla sərhəddə yerləşən ölkələr arasında İran və Rusiya ən çox “Green Card” alan ölkələr kimi liderdir, bundan başqa Türkiyə 4 194, Qazaxıstan 2004, Gürcüstanda isə 1 342 nəfər 2025-ci ildə ABŞ-ə getmək imkanı qazanıb.
Müraciət forması və yolu fərqli olsa da, ümumi şərtlər aşağıdakı kimidir
Orta məktəb təhsili və ya 2 illik iş təcrübəsi
Cinayət keçmişinin olmaması və ABŞ üçün təhlükə yaratmamaq;
ABŞ-da qanuni statusda olmaq (əgər müraciət daxildən edilirsə);
Maliyyə təminatı – ailə əsaslı müraciətlərdə sponsorluq edən şəxsin maliyyə sabitliyi sübut edilməlidir
Tibb müayinəsi nəticələrinin təqdim olunması (Form I-693).
"Green Card" Sahiblərinin Hüquqları və Məsuliyyətləri
Green Card sahibi olmaq, ABŞ vətəndaşı olmaq mənasına gəlməsə də, ölkə daxilində bir sıra hüquq və üstünlüklər əldə etmək deməkdir:
Hüquqlar
ABŞ-da qanuni daimi yaşamaq və işləmək;
Sosial xidmətlərə və dövlət proqramlarına məhdud çıxış;
Dövlət universitetlərində rezident statusu ilə təhsil almaq;
ABŞ vətəndaşlığına müraciət etmək hüququ (adətən 5 ildən sonra).
Məsuliyyətlər
Daimi yaşamaq niyyətində olduğunuzu göstərməlisiniz (Əgər “Green Card” aldıqdan sonra uzun müddət ABŞ-dən kənarda qalsanız “Green Card” ləğv olunacaq)
Federal və ştat vergilərini ödəmək;
Cinayət törətməmək və ictimai təhlükə yaratmamaq.
"Green Card"ın Müddəti və Uzadılması
Standart Green Card 10 il müddətinə verilir və müddət bitdikdə Form I-90 ilə yenilənə bilər.
Əgər Green Card şərti statusla verilmişdirsə (məsələn, yeni evlilik nəticəsində), bu müddət 2 il olur və sonradan Form I-751 ilə daimi karta çevrilir.
