Rusiya Prezidenti Vladimir Putin çərşənbə günü Ukrayna ilə danışıqlara hazırlıqla bağlı müşavirə keçirib.
Modern.az xəbər verir ki, bu barədə prezidentin mətbuat katibi Dmitri Peskov bildirib.
Onun sözlərinə görə, müşavirədə danışıqlar qrupunun üzvləri ilə yanaşı, Lavrov, Belousov, Zolotov, Şoyqu, Gerasimov və Bortnikov, həmçinin qoşun qruplaşmalarının komandanları iştirak ediblər.
Qeyd edək ki, Vladimir Putin dünən Ukrayna ilə danışıqlar üçün nümayəndə heyətinin tərkibini təsdiqləyib. 2022-ci ildəki görüşdə olduğu kimi heyətə prezidentin köməkçisi Vladimir Medinski başçılıq edir. Ukrayna nümayəndə heyətinə prezident Zelenskinin başçılıq etməsi planlaşdırılır. Artıq hər iki ölkənin nümayəndələri İstanbula gediblər. TASS-ın məlumatına görə, görüş Bakı vaxtı ilə saat 11:00-da başlaya bilər.
