Rusiya Federasiyası ilə Amerika Birləşmiş Ştatlarının prezidentləri Vladimir Putin və Donald Tramp bazar ertəsi telefon danışığı zamanı bir-birlərinə adları iləmüraciət ediblər.
Modern.az xəbər verir ki, bunu Rusiya prezidentinin köməkçisi Yuri Uşakov bildirib.
Bu barədə “Ria Novosti” məlumat yayıb. "Bəli, onlar bir-birinə sadəcə “Donald” və “Vladimir”, - deyə müraciət ediblər", - Kreml nümayəndəsi qeyd edib.
Uşakov əlavə edib ki, prezidentlər arasında səmimi və etibarlı söhbət olub, əsasən ikitərəfli münasibətlər, onların inkişafı, Ukrayna münaqişəsinin həlli imkanları müzakirə olunub. Xatırladaq ki, ötən gün Putin və Tramp telefonla 2 saatdan çox danışıblar.
Rusiya prezidenti söhbəti mənalı, səmimi və çox faydalı adlandırıb.
Tramp ikinci müddətə ABŞ prezidenti olduqdan sonra Putinlə iki dəfə telefonla danışmışdı. Birinci söhbət fevralın 12-də, ikincisi isə martın 18-də baş tutub. Dövlət başçıları digər məsələlərlə yanaşı, Ukrayna münaqişəsinin həllini də müzakirə ediblər.
