“Mayın 20-də Ermənistan Respublikasının xarici işlər naziri Ararat Mirzoyan Fransa Respublikasının Avropa və xarici İşlər naziri Jan-Noel Barro ilə telefon danışığı aparıb”.
Modern.az xəbər verir ki, bu barədə Ermənistan Xarici İşlər Nazirliyinin bəyanatında bildirilib.
Nazirlər Ermənistan və Fransa arasında ikitərəfli əməkdaşlığın cari və gələcək məsələlərini müzakirə ediblər. Ötən həftə Tiranada iki dövlətin lideri arasında baş tutan müzakirədən sonra Ararat Mirzoyan və Jan-Noel Baro tərəfdaşlığın dərinləşdirilməsinə yönəlmiş addımlar barədə fikir mübadiləsi aparıblar.
Çoxtərəfli platformalar çərçivəsində, eləcə də Avropa Siyasi Birliyi kontekstində əməkdaşlıq məsələlərinə də toxunulub.
