Vaşinqtonda İsrail səfirliyinin iki əməkdaşını qətlə yetirməkdə şübhəli bilinən şəxs salxanılıb.
Modern.az xəbər verir ki, bu barədə Associated Press məlumat yayıb.
Şübhəli şəxsin atəş açan zaman "Azad Fələstin" şüarı səsləndirdiyi bildirilib.
ABŞ Baş prokuroru Pem Bondinin hadisə yerinə getdiyi vurğulanıb.
***
08:02
Vaşinqtonda Paytaxt Yəhudi Muzeyinin qarşısında bir kişi və bir qadın güllələnərək öldürülüb. Ölənlər İsrail səfirliyinin əməkdaşlarıdır.
Modern.az xəbər verir ki, bunu ABŞ-ın daxili təhlükəsizlik üzrə katibi Kristi Noem açıqlayıb.
Hazırda hadisənin detalları məlum deyil. Hüquq-mühafizə orqanları araşdırma aparır.
Qeyd edək ki, hadisənin baş verdiyi muzey Federal Təhqiqatlar Bürosunun Vaşinqton Ofisinin yanında yerləşir.
ABŞ Prezidenti Donald Tramp Vaşinqtonda Yəhudi Muzeyi yaxınlığında baş verən və nəticədə İsrail səfirliyinin iki əməkdaşının həlak olduğu atışmanı "antisemitizmə əsaslanan hücum" adlandırıb.
“Bu dəhşətli qətllər, açıq şəkildə antisemitizmə əsaslanan cinayətlər dərhal dayandırılmalıdır! ABŞ-da nifrətə və radikalizmə yer yoxdur”, – Tramp qeyd edib.
