Ermənistan parlamentinin deputat Taquhi Tovmasyan baş nazir Nikol Paşinyanın davranışı ilə bağlı cinayət işi başlanılmasını tələb edir.

Modern.az xəbər verir ki, deputat baş nazirin parlamentdə özünü apara bilməməkdə ittiham edib.

O, deyib Korrupsiyaya Qarşı Mübarizə Komissiyası artıq Nikol Paşinyanın davranış normalarını pozduğu iddiası ilə bağlı iş açıb.

“Əvvəllər mən rəsmi müraciət etmişdim ki, baş nazirin davranışı ilə bağlı icraat başlansın. Dünən Komissiya mənə bildirdi ki, 15 may 2025-ci ildə həqiqətən də icraat başlanıb”.

Tovmasyanın sözlərinə görə, Nikol Paşinyanın davranışı xalqın hakimiyyətə inamını sarsıdır, institusional tənəzzül risklərini artırır və vətəndaşlarla dövlət arasında münasibətlərin əsasını – hörməti pozur.

“Bu cür davranış opponentləri alçaltmaq və demokratik diskursları boğmaq məqsədi daşıyan səlahiyyətdən sui-istifadədir.

Heç bir qanun heç bir məmura, hətta baş nazirə belə, “əsəblərini” və ya “emosiyalarını” əsas gətirərək məsuliyyət çərçivəsindən kənara çıxmaq hüququ vermir”.

Deputat deyib ki, baş nazir özünü qanundan üstün kimi aparmağa davam edə bilməz.

Xatırladaq ki, Nikol Paşinyan parlamentin son iclaslarında müxalifətdən olan deputatların üstünə qışıqırıb, onları hədələyib.