ABŞ Prezidenti Donald Tramp beynəlxalq liderləri xarici görünüşlərinə görə tərifləməsi ilə diqqət çəkir.

Modern.az-ın məlumatına görə, "Financial Times" qəzeti yazır ki, Tramp Suriya prezidentini “gənc və cazibədar”, BƏƏ liderini “möhtəşəm”, Səudiyyə və Qətər liderlərini isə “hündürboylu və yaraşıqlı” adlandırıb.

Məqalədə bildirilir ki, onun bu yanaşması diplomatik jestdən çox, şəxsi simpatiya qazanmaq məqsədi daşıyır. Tramp təkcə xarici siyasətdə deyil, daxili tədbirlərdə də oxşar komplimentlər səsləndirir– idmançılara, polis ailələrinə və hərbiçilərə “yaxşı görünüşlü” deyir.

Psixoloqlara görə, Tramp üçün bəyənilmək və diqqət çəkmək olduqca vacibdir. Bu təriflər isə onu daha güclü və cazibədar göstərmək üçün istifadə olunur.

Tramp komplimentlərini yalnız özünə yaxın bildiyi insanlara ünvanlayır – Zelenski və Ramafosa (Cənubi Afrika Prezidenti) kimi liderlər bu siyahıya daxil deyil.

Məqalə qeyd edir ki, Tramp özünü film qəhrəmanı kimi görür və ətrafında da yalnız "kino ulduzu" görünüşündə insanları görmək istəyir. Bu yanaşma onun siyasət və insan münasibətlərinə olan qeyri-adi baxışını ortaya qoyur.