Xəbər verdiyimiz kimi, Ukrayna Rusiya hərbi aerodromlarına dron hücumu həyata keçirib, 40 hərbi təyyarə məhv edilib.
Modern.az-ın məlumatına görə, Rusiya Müdafiə Nazirliyi zərbələri "terror hücumu" adlandırıb.
Nazirlik bu gün Ukraynanın Murmansk, İrkutsk, İvanovo, Ryazan və Amur bölgələrində yerləşən hava limanlarına FPV tipli pilotsuz uçuş aparatları (PUA) vasitəsilə "terror hücumu" təşkil etdiyini açıqlayıb.
Nazirliyin məlumatına görə, İvanovo, Ryazan və Amur bölgələrində yerləşən hərbi hava limanlarına edilən bütün hücumlar uğurla dəf edilib.
Murmansk və İrkutsk bölgələrində isə hava limanlarının yaxınlığındakı ərazilərdən buraxılan dronlar nəticəsində bir neçə təyyarədə yanğın baş verib. Yanğınlar qısa müddətdə söndürülüb.
Məlumata əsasən, nə hərbi qulluqçular, nə də mülki şəxslər arasında tələfat qeydə alınmayıb. Hücumlarda iştirak edən bəzi şəxslər saxlanılıb.
