Amerikalı milyarder İlon Maskın “X” hesabında yaratmaq istədiyi siyasi partiyaya ad seçimi üçün keçirdiyi sorğuda “Amerika” adına üstünlük verilib.
Modern.az xəbər verir ki, 80 faiz respondent bu ada üstünlük verib.
Sorğuda iştirak edən 5,6 milyon nəfərin 20 faizi isə bu variantı dəstəkləməyib.
İlon Mask “X” hesabında kriptovalyuta ticarəti ilə məşğul olan Mario Naufalın sorğu barədə fikirlərini də paylaşıb.
Belə ki, M. Naufal 80 faiz repondentin ikipartiyalı sistemdən yorulduğunu yazıb.
M. Naufal, həmçinin yazıb ki, 43 faiz amerikalı hər iki partiyanı rədd edir, 56 faiz sorğu iştirakçısının isə İ. Mask barəsindəki fikirləri müsbətdir.
Onların arasında 72 faiz respublikaçı, 34 faiz demokrat respondent yer alıb.
Qeyd edək ki, İlon Mask ölkədə yeni siyasi partiyanın yaranmasına ehtiyac olduğunu açıqlayıb.
