Bu gün İtaliyada vətəndaşlıq və əmək hüquqları ilə bağlı referendum keçirilir.
Modern.az-ın xəbərinə görə, iki gün davam edəcək referendum valideynləri əcnəbi olanlara vətəndaşlığın verilməsinin asanlaşdırılması və əmək hüquqlarının daha etibarlı qorunması ilə bağlıdır.
Lakin seçicilərin 50 faizindən çoxu səs verməzsə, aparıcı həmkarlar ittifaqları və müxalifət partiyalarının təşəbbüskarı olduğu referendum baş tutmamış sayılacaq.
Hazırda İtaliyada 10 il yaşayan və işləyərək vergi ödəyən əcnəbilərə vətəndaşlıq verilir. Referendumda dəyişiklik qəbul edilərsə, bu müddət 5 ilə endiriləcək.
Referendum baş tutacağı halda bu dəyişikliklər 2,5 milyon əcnəbiyə şamil olunacaq və onlar vətəndaşlıq alacaqlar.
Bundan əlavə, dəyişiklik vətəndaşlara seçki hüququ, dövlət xidmətlərində iştirak və Avropa İttifaqı çərçivəsində sərbəst hərəkət kimi mülki və siyasi hüquqlara daha tez çıxış imkanlarını təmin edəcək.
