İsrail və İran hərbi əməliyyatları dayandırmaq üçün razılığa gələ bilər.
Modern.az xəbər verir ki, bunu ABŞ prezidenti Donald Tramp Ağ Evin cənub çəmənliyində jurnalistlərə açıqlamasında deyib.
O, iki ölkənin razılığa gələcəyinə ümid etdiyini bildirib. Ağ Ev rəhbərinin sözlərinə görə, bunun üçün vaxt gəlib çatıb.
"Ancaq bəzən problemi mübarizə yolu ilə həll etmək lazımdır. Görək nə baş verir. Məncə, razılığın əldə olunması üçün hər cür şans var", - Amerika lideri bildirib.
O, həmçinin ABŞ-ın yəhudi dövlətinə müdafiə yardımını davam etdirəcəyini söyləyib.
