Ermənistan hüquq-mühafizə orqanlarının əməkdaşları Erməni Apostol Kilsəsinin Şirak yeparxiyasının rəhbəri, arxiyepiskop Mikayel Ajapaxyanı Ermənistanın İstintaq Komitəsinin Yerevandakı ofisinə gətiriblər.
Modern.az xəbər verir ki, bu barədə Ermənistan KİV məlumat yayıb.
Bildirilir ki, artıq onun saxlanılması ilə bağlı qərar verilib.
Səhər saatlarında din xadimləri arxiyepiskopun saxlanılmasına maneə törətsələr də, Ermənistanın Milli Təhlükəsizlik Xidmətinin xüsusi təyinatlı qüvvələri onu birbaşa İstintaq Komitəsinin binasına aparıblar
Bina ətrafındakı küçələr və yaxınlıqdakı həyətlər polis tərəfindən mühasirəyə alınıb. Binanın qarşısında arxiyepiskopa dəstək verən şəxslər də toplaşıblar.
Arxiyepiskop Mikayel Ajapaxyanın qardaşı oğlu da İstintaq Komitəsinin binasına gətirilib.
