“İran prezidenti Pezeşkianla yeni telefon danışığım olub”.
Modern.az xəbər verir ki, bunu Fransa prezidenti Emmanuel Makron sosial şəbəkədə yazıb.
"Mən həmyerlilərimiz Cecile Kohler və Jacques Parisin azad edilməsi;
İrandakı vətəndaşlarımızın və obyektlərimizin qorunmasının təmin edilməsini;
regionda sülhün bərpasına kömək etmək üçün atəşkəsə hörmət olunmasını;
ballistik və nüvə məsələlərini həll etmək üçün danışıqlar masasına qayıdılmasını;
tam şəffaflığı təmin etmək üçün Nüvə Silahlarının Yayılmaması haqqında Müqavilə çərçivəsini və MAQATE-nin İranda işinin bərpasının dəstəkləməsini istədim.
Bu məqsədlərə çatmaq üçün yaxın günlərdə işləməyə davam edəcəyəm”, - Makron yazıb.
