Tibetli buddistlərin ruhani lideri Dalay-lama 90 illik yubileyini Hindistanın Dharamsala şəhərində minlərlə tərəfdarının iştirakı ilə qeyd edib.
Modern.az bu barədə BBC-yə istinadən xəbər verir.
O, özünü “sadə buddist” adlandırıb və daha 40 il, yəni 130 yaşına qədər yaşayacağını bildirib.
Dalay-lama reinkarnasiya ənənəsinin onun ölümündən sonra da davam edəcəyini təsdiqləyib.
O bildirib ki, gələcək Dalay-lamanın müəyyən olunması hüququ "Gaden Phodrang" Fondunda olacaq və bu proses Çinin deyil, “azad dünyanın” sərhədlərində baş verəcək.
Çinin kəskin etirazlarına baxmayaraq, Dalay-lama fiziki durumunun əla olduğunu vurğulayıb və insanları mərhəmət, ruhsal dinclik axtarışına səsləyib.
Mərasimdə Hindistan rəsmiləri, məşhur aktyor Riçard Gir və minlərlə inanclı iştirak edib. ABŞ-ın sabiq prezidenti Barak Obama və Hindistanın Baş naziri Narendra Modi də Dalay-lamanı təbrik ediblər.
