Türkiyə Böyük Millət Məclisində (TBMM) son günlərdə baş verən istefalar və vəfat səbəbilə partiyalar üzrə yer bölgüsündə dəyişiklik olub.
Modern.az-ın məlumatına görə, İstanbul deputatları Doğan Demir, İsa Mesih Şahin və Selim Temurcinin Gələcək Partiyasından istefa etdiklərini açıqlamaları ilə müstəqil deputatların sayı 14-ə yüksəlib.
Eyni zamanda Səadət Partiyasının Kocaeli deputatı Hasan Bitmez və DEM Partiyasının İstanbul deputatı Sırrı Süreyya Önderin vəfatı, Türkiyə İşçi Partiyasının Hatay deputatı Şerafettin Can Atalayın deputatlıq mandatının ləğvi, AK Partiyalı Murat Kurumun nazir təyinatı və CHP-dən seçilən Burcu Köksal, Abdurrahman Tutdere, Hasan Baltacı və Ahmet Önalın bələdiyyə sədri seçilmələri ilə TBMM-dəki ümumi deputat sayı 600-dən 592-yə enib.
Partiyalar üzrə yeni mandat bölgüsü belədir:
Ədalət və İnkişaf Partiyası (AKP) – 272 deputat
Cümhuriyyət Xalq Partiyası (CHP) – 135 deputat
Xalqların Bərabərlik və Demokratiya Partiyası (DEM Partiyası) – 56 deputat
Milliyyətçi Hərəkat Partiyası (MHP) – 47 deputat
İYİ Partiya – 29 deputat
Yeni Yol Partiyası – 21 deputat
Müstəqillər – 14 deputat
Yenidən Rifah Partiyası – 4 deputat
Hüquq Dava Partiyası (HÜDA PAR) – 4 deputat
Türkiyə Fəhlə Partiyası (TİP) – 3 deputat
Demokratik Bölgələr Partiyası – 2 deputat
Əmək Partiyası – 2 deputat
Səadət Partiyası – 1 deputat
Demokratik Sol Partiya – 1 deputat
Demokrat Partiya – 1 deputat
