“Dünya ictimaiyyətinin faktlara əsaslanaraq soyqırımı kimi tanıdığı reallıqlar var”.
Modern.az xəbər verir ki, bunu Türkiyə Xarici İşlər Nazirliyinin rəhbəri Hakan Fidan deyib.
“Dünyanın soyqırımı kimi tanıdığı faktlar var. İsrailin baş naziri Benyamin Netanyahunun etməyə çalışdığı, özünün etdiyi genosidi gizlətmək cəhdindən başqa bir şey deyil.
İsrailin toxunulmazlığı illüziyası dağıdıldı. Fələstin məsələsi və son iki ildə Qəzzada baş verən soyqırımı bütün müsəlmanların yarasıdır, bütün dünyanın ağrısıdır.
İsrail 1967-ci ildə müəyyən etdiyi sərhədləri çox-çox kənara çıxarır, genişlənməyə və işğala can atır. Bu, göz qabağındadır”, - Türkiyə Xarici İşlər Nazirliyinin rəhbəri vurğulayıb.
Xatırladaq ki, İsrailin baş naziri ilk dəfə qondarma “erməni soyqırımı”nı tanıdığını bildirib. Bu isə Türkiyədə haqlı narazılığa səbəb olub.
