Yəməndə İranın dəstəklədiyi husi qruplaşmasının baş naziri Əhməd ər-Rəhavi İsrailin dünən həyata keçirdiyi hava zərbəsi nəticəsində öldürülüb.
Modern.az xəbər verir ki, bu barədə Yəmənin “Al-Jumhuriya” telekanalı məlumat yayıb.
Məlumata görə, hücum paytaxt Sənadakı mənzildə baş verib.
Məlumata əsasən, ər-Rəhavi tək deyil, bir neçə müşaviri ilə birlikdə həlak olub. Bu barədə əlavə olaraq “Aden Al-Ghad” qəzeti də yazıb.
Xəbərlərdə qeyd olunur ki, baş nazirin öldürülməsi ilə nəticələnən hücüm ötən gün Sənadan kənarda həyata keçirilən əməliyyatdan fərqli olub. Həmin hücum ərəfəsində aralarında husilərin müdafiə naziri də daxil olmaqla 10 yüksəkçinli nazirin bir araya gələrək təşkilatın lideri Əbdül Məlik əl-Husinin çıxışını dinləməsi nəzərdə tutulurdu.
Lakin bu zərbənin nəticələri barədə dəqiq məlumat hələlik açıqlanmayıb.
