On üç illik fasilədən sonra Türkiyə ilə Suriya arasında avtomobil yolu ilə birbaşa yükdaşımalar bərpa edilib.
Modern.az xəbər verir ki, bu barədə Türkiyənin nəqliyyat və infrastruktur naziri Abdulkadir Uraloğlu bildirib.
O, dünən 4 yük maşınının Mersindən Hələbə, 3 yük maşınının isə İdlibdən Mersinə getmək üçün Cilvegözü sərhəd-keçid məntəqəsindən keçdiyini deyib.
Nazir bildirib ki, bu ölkədə 2024-cü ilin dekabrında baş verən hadisələrdən sonra yükdaşımalara yenidən start verilib və bu il iyunun 27-29-da İstanbulda keçirilən Qlobal Nəqliyyat Dəhlizləri Forumunda Suriya ilə Türkiyə arasında avtomobil yükdaşımaları ilə bağlı Anlaşma Memorandumu imzalanıb.
