Ermənistanın ilk prezidenti (1991-1998), hazırda müxalifətdəki Ermənistan Milli Konqresinin sədri Levon Ter-Petrosyanın böyük qardaşı Petros Ter-Petrosyan ölüb. Modern.az saytı erməni mətbuatına istinadən xəbər verir ki, Petros Ter-Petrosyanın 73 yaşı olub. O, professor elmi dərəcəsi alıb və son günlərə qədər Yerevan Memarlıq və İncəsənət Universitetinin kafedra müdiri vəzifəsində çalışıb.
Qeyd edək ki, Petros Ter-Petrosyan 1941-ci il fevralın 16-da Suriyanın Hələb şəhərində anadan olub. Petrosyanlar ailəsi 1946-cı ildə SSRİ-nin icazəsi ilə Ermənistana köç ediblər.
Modern.az
