Yunanıstanın paytaxtı Afinada hökumətin iqtisadi siyasətinə etiraz edən Yunanıstan Kommunist Partiyasına bağlı (YKP) Panhelenik Mübarizə Cəbhəsi (PAME) üzvü olan bir qrup Maliyyə Nazirliyini işğal edib. Modern.az-ın xarici KİV-ə istinadən verdiyi xəbərə görə, Maliyyə Nazirliyinin Sintagma meydanındakı mərkəz bürolarının olduğu binanın qarşısına toplaşan təxminən 500 nəfərlik qrup iş saatı başlayan kimi binaya girib.
Qapıları bağlayaraq nazirlikdə işləyənlərin içəri girməsinə maneə törədən nümayişçilər, binanın önündə “Kifayət qədər qanımızı axıtdıq, kifayət qədər ödədik”, “Ey xalq, məsələni əlinə al, yeni tədbirləri və müddətsiz memorandumları dayandır” yazılı plakatlar asıblar.
