Terror təşkilatı DAEŞ-in İraqın Enbar elinə bağlı Felluce qəsəbəsində suriyalı qadınları bazarlarda satdığı iddia edilib. Modern.az-ın xarici KİV-ə istinadən verdiyi xəbərə görə, İraq İnsan Haqları Nazirliyinin açıqlamasında qeyd edilir ki, DAEŞ yaraqlıları 100 suriyalı qadını Fellucedə tikdiyi cinsi köləlik bazarında satıb:
“Hər gün iftardan sonra açılan bazarda olan qadınlar “cihad nikahı” adı ilə 500-dən 2 minə qədər ABŞ dolları qarşılığında satılır”.
Daha bir açıqlamaya görə, DAEŞ şəbəkələri Fellucedə ayrıca təşkil etdikləri yarışmalarda “Qurani Kərim”i əzbərləyib ilk üç yeri tutmağa haqq qazananlara kölə bazarında satılan qadınları hədiyyə olaraq verir.
Modern.az
