Əlisa Nicata yığılan yardımın məbləği açıqlandı: “Vay dədə, bu nədi, ədə”

Əlisa Nicata yığılan yardımın məbləği açıqlandı: “Vay dədə, bu nədi, ədə”

Ədəbi̇yyat

2 Dekabr 2022, 16:08

“Yazıçı Əlisa Nicatla bağlı xırda yazı böyük dönüşə səbəb oldu. Gecə boyu onun kartına pul köçürüldü. Yardım edənlərin bəzi halda qəbzlərini də mənə atırdılar. 1, 10, 20, 50, 100, hətta 200 manat yardım edən də vardı”.

Modern.az-ın məlumatına görə, bunu 87 yaşlı yazıçı Əlisa Nicatın məişət problemini ictimailəşdirən “Qanun” nəşrlər evinin rəhbəri Şahbaz Xuduoğlu bildirib.

Onun sözlərinə görə, dünən səhər ustalar Əlisa Nicatın evinə gedib istilik sistemi üçün büdcə çıxarıb. Bir gün sonra, yəni bu gün artıq istilik sistemi quraşdırılır.

“Oğlu Üzeyirlə yardımların məbləğini öyrənmək üçün atasının kartını bankomata saldı. Üzeyir gözlərinə inanmadı "vay dədə, bu nədi ədə" dedi. 6987 manat yığılmışdı. Bu, yalnız bir gecədə toplanan məbləğdir.

Mən bir anlıq qanadlandım”, - Ş.Xuduoğlu bildirib.

Onun sözlərinə görə, yardımlar dünən və bu gün də davam edib.

“Yardım edənlər adlarının açıqlanmasını istəməsələr də yazmağı özümə mənəvi borc bilirəm.

“İrşad Elektronics” şirkətindən zəng edib, istilik sisteminin çəkilişini öz üzərinə götürməyi təklif etdilər. İstilik sistemi üçün lazım olan bütün xərcləri ödədilər. Məbləğ 2339 manat etdi.

Ardından, “Baku Electronics”dən zəng etdilər, istilik sistemini quraşdırmağı təklif etsələr də, dedim ki, artıq o işi bsşqa şirkət öz üzərinə götürüb, siz soyuducu, elektron soba və ya mebel işini həll edə bilərsiniz.

Dəyərli futboçumuz Qara Qarayev də istilik sistemi ilə bağlı yardım təklifi etdi.

"Görüş" restoranının sahibi Asif bəy dedi ki, “bundan sonra onun bütün ərzaq, yemək təminatını özüm həll edəcəm”.

Bir nəfər yazmışdı ki, mən "santexnikəm", bütün işləri pulsuz görərəm.

Tikinti firmalarından zəng edib evinin təmirini təklif etdilər.

Elçin Əlibəyli isə yazdı ki, “Rafi” Group Təmir və tikinti şirkəti evin təmirini öz üzərinə götürür, "Sobsan" Boyaları bütün rəngləmə materiallarını pulsuz verir.

Bir neçə nəfər aylıq 100, 200 manat məbləğində maaş təklif edib.

Yardım təklifləri, yardımların ardı-arası kəsilmir.

Əlisa bəylə bu gün danışdım, deyir, “kimin əvvəli, kiminin sonu. Gec də olsa, bu günləri gördüyüm üçün xoşbəxtliyimin həddi -hüdudu yoxdur””.

Şahbaz Xuduoğlu deyib ki, insanlar yardım etmək fürsətindən yararlandıqları üçün məmun qalıb:

“Həm yardım, həm də təşəkkür edirlər.

Az, ya çox, heç fərq etməz, əsas odur ki, Əlisa Nicat faktoru minlərlə insanı bir araya gətirdi.

Bir daha əmin oldum; bu xalq möhtəşəmdir!

Biz birlikdə güclüyük!”.

Telegram
Hadisələri anında izləyin!
Keçid et
İran azərbaycanlıları sanki diri-diri basdırmaq istəyir