“Ədəbiyyat qəzeti” sonuncu sayında Bakı Dövlət Universitetinin professoru, Əməkdar jurnalist Qulu Məhərrəmlinin Azərbaycan Xalq Cümhuriyyətinin banisi, böyük Məhəmməd Əmin Rəsulzadəyə həsr olunmuş kitabı haqqında “Bir eşq romanı kimi…” adlı məqalə dərc edib.
Qulu Məhərrəmli Modern.az-a açıqlamasında məqalənin müəllifi, yazıçı-publisist Bahəddin Həziyə və qəzetin refaktoru Azər Turana təşəkkür edib. Eyni zamanda bildirib ki, sözügedən kitabın nəşri bəzlərini narahat edib.
“Bu kitab bəzi adamların yuxusunu qaçırıb, bəzilərində qısqanclıq, bəzilərində qarınağrısı yaradıb. Amma əsas odur ki, kitabın hədəfi kimi götürdüyüm gənclik auditoriyası onu sevərək qəbul edib.
Bir aydan sonra doğumunun 140 illiyi olacaq Cümhuriyyət banisini sevgi ilə anırıq”, - Q.Məhərrəmli vurğulayıb.
