Gənc yazar Günel İmran Yazıçılar Birliyinin Güney Azərbaycan ədəbiyyatı şöbəsinin müdiri Sayman Aruzun ittihamlarına cavab verib.
“Hörmətli yazıçımız Sayman Aruz Modern.az-a verdiyi açıqlamasında məni plagiatlıqda günahlandırır. Mənim illər öncə yazdığım və bu il nəşr olunan “Məni kim öldürdü?!” romanıma da daxil etdiyim “Qoyun” pritçası guya, onun “Postmodern azadlıq” hekayəsindən götürülüb. Belə çıxır ki, kim öz yaradıcılığında dünyda olan qoyunlardan və ya onların hər hansı bir cinsindən bir prototip kimi istifadə edərsə, ilk növbədə Sayman Aruzdan icazə almalıdır. Öz hekayəm, öz qoyunum, necə istəyərəm, elə də yazaram”-deyə xanım yazar Modern.az-a bildirib.
