Vaqif Səmədoğlunun vəfatından martın 7-də 40 gün ötəcək. Modern.az sayt xəbər verir ki, deputat, yaqzıçı Rafael Hüseynov Vaqif Səmədoğlu ilə bağlı qısa qeydlər edib. Rafael Hüseynov özünün facebook hesabında bu barədə belə yazıb:
“Sabah da ötəcək və martın 7-də 40 gün olacaq ki, Vaqif oradadır. Buralarla rabitəsi olmayan, buralara yolu çatmayan, buralara oralardan heç kəsi buraxmayan Qürbətdə. O Qürbətin təxmini mənzərəsini həssas Vaqif heç oraları görmədən də çox illər öncə təsəvvür etmişdi.Hələ 1982-ci ildə, bizimlə əbədi ayrılığından 30 ildən də bir az qabaq həmin Qürbəti bizə belə tanıtmışdı:
Kimin yanına gedəsən,
Kimə zəng vurasan
Bu ünvansız,
Telefonsuz
Vətəndə?
Martın 8-də saat 21.30-da və martın 10-da saat 23-də Azərbaycan Radiosu ilə səslənəcək “Axşam görüşləri” verilişində unudulmaz Vaqif Səmədoğlunu anacağıq”.
Modern.az
