Qəlbimdəki məhəbbət
Gözümdəki həsrət,
Adı çəkildikcə titrədiyim, üşüdüyüm hərarət-
İçimdəki təşnə.
Əlimdən gəlmir heç nə.
Necə qırım bu səbri, bu dözümü
Necə ağ edim üzümü,
Necə hayqırım dünyaya,
necə söyləyim sözümü
içimdəki təşnə?
Əlimdən gəlmir heç nə.
Yolunda ölə bilmirəm,
Çünki ölmək imkanım yox.
Səbəbim var ölmək üçün, məkanım yox.
Mənin kimi can verməyə cananın çox
içimdəki təşnə!
Əlimdən gəlmir heç nə.
Köksümdəki dağ,
Hər təqvimi çevirəndə qanıyan qaysaq,
Düşmən tapdağında inləyən torpaq,
Qarabağ, Qarabağ, Qarabağ! -
İçimdəki təşnə,
əlimdən gəlmir heç nə...
