Misirdə təhlükəsizlik qüvvələrinə hücum etmək və infrastrukturu dağıtmaq üçün silahlı qruplar yaratmaqda təqsirləndirilən 10 nəfər ölüm cəzasına məhkum edilib.
Modern.az "MENA" agentliyinə istinadən xəbər verir ki, bu barədə Misir Ali Dövlət Təhlükəsizlik Məhkəməsi qərar verib.
"Məhəmməd Fəhminin başçılıq etdiyi Misirin Ali Dövlət Təhlükəsizlik Məhkəməsi bazar günü 10 müttəhimin işini onların ölüm hökmünün təsdiqlənməsi üçün təhvil vermək qərarına gəlib. Onlar polis əməkdaşlarına hücum etmək üçün silahlı qruplar yaratmaqda, o cümlədən ictimai obyektləri dağıtmaqda ittiham olunurlar", - məlumatda bildirilib.
